ՀՀԿ ԳՄ անդամ, ԱԺ նախկին փոխնախագահ Էդուարդ Շարմազանովը հայտարարել է, որ ԵՄ պաշտոնյաները փաստացի ընդունում են Փաշինյանի իշխանության խնդրանքով ՀՀ ներքին գործերին միջամտելու մտադրությունը։
Ըստ նրա՝ այս իրադրությունը, երբ իշխանությունները դիմում են արտաքին կառույցների՝ իրենց ներքին քաղաքական խնդիրները լուծելու համար, հիմա կոչվում է «ինքնիշխան» քաղաքականություն։
«Պատկերացնո՞ւմ եք, եթե ՀՀ ընդդիմությունը որևէ արտաքին բևեռից քարոզչական օժանդակություն խնդրեր։ Ի՞նչ կասեին նիկոլիստները… է՛լ «շպիոն», է՛լ «կոշիկներ լիզող», է՛լ «ստրուկ», է՛լ «5-րդ շարասյուն»…»,- նշել է Շարմազանովը՝ ընդգծելով, որ հիմա Փաշինյանի ռեժիմի՝ ԵՄ-ից քարոզչական օժանդակություն խնդրելը «կոշիկներ լիզելու» կամ «5-րդ շարասյուն» լինելու վառ օրինա՞կ չէ։
Նա նաև հիշեցրել է, որ նախկինում նման գործողություններն ուղղված էին դեմ Սերժ Սարգսյանի և ՀՀԿ-ի, որոնք պիտակավորվում էին որպես «օտարի օրակարգ սպասարկողներ»։
«Դուք կերազեիք Սերժ Սարգսյանի ու ՀՀԿ-ի ինքնիշխան լինելու ու պետական շահը սպասարկելու գոնե 1 տոկոսն ունենայիք»,- եզրափակել է Շարմազանովը։