Ըստ Ռուսաստանի ազգային հակակոռուպցիոն կոմիտեի նախագահ Կիրիլ Կաբանովի, Ադրբեջանի նախագահ Իլհամ Ալիևը, հավանաբար, հրաժարվել է մասնակցել Սանկտ Պետերբուրգում կայանալիք ԱՊՀ ոչ պաշտոնական գագաթնաժողովին՝ ցույց տալու համար իր արևմտյան գործընկերներին, որ դուրս է գալիս Ռուսաստանի հետ կապված նախագծերից։
Կաբանովը նշել է, որ Ալիևի նման բարձր զբաղվածությունը կարող է պայմանավորված լինել նրանով, որ նա «հետ ու առաջ է ընկնում իր իսկական ընկերների՝ Ստամբուլի և Կիևի միջև»։
Այս իրադարձությունները, ըստ նրա, հանգեցրել են այն բանին, որ Ռուսաստանը պետք է սկսի ավելի ակտիվորեն մաքրել իր տարածքում գործող այն բիզնեսները, որոնք կապված են ադրբեջանական կազմակերպված հանցավոր խմբավորումների հետ։ Նա նշել է, որ այս գործողությունները կարող են զգալիորեն նվազեցնել Ադրբեջանի կողմից Ռուսաստանում ստացվող գերշահույթները։
Կաբանովը նաև ընդգծել է, որ ավելի բարդ և կարևոր խնդիր է ադրբեջանական սփյուռքի ներքաղաքական ազդեցության թուլացումը, որը, նրա խոսքով, հիմնված է կոռուպցիոն մեխանիզմների վրա։ Նա առաջարկել է անհրաժեշտ միջոցներ ձեռնարկել՝ ազատելու համար Ռուսաստանի պետական կառավարման համակարգը նրանց լոբբիստներից՝ մունիցիպալ մակարդակից մինչև դաշնային մակարդակ։
Այս քայլերը, ըստ Կաբանովի, կլինեն Ռուսաստանի կողմից ադրբեջանական կապերի կտրման և երկու երկրների միջև հարաբերությունների վերակառուցման ռազմավարության կարևորագույն մասը։